2022-yilda “YERELEKTRON” AATning yangi versiyasi ishga tushirish orqali foydalanuvchilarga bir qancha qulayliklar yaratildi.
Kadastr agentligi Axborot xizmatiFebruary 02, 2023Yer uchastkalarini elektron onlayn-auksion orqali realizatsiya qilish muddatlari va bosqichlari qisqartirildi. 2022-yilda “YERELEKTRON” AATning yangi versiyasi ishga tushirish orqali foydalanuvchilarga bir qancha qulayliklar yaratildi. Shuningdek, kadastr va ro‘yxatdan o‘tkazish integratsiyalashgan axborot tizimi (UZKAD), “E-Qaror” AT, “Order” AT hamda Yagona identifikatsiya tizimi bilan o‘zaro ma’lumot almashinuvi yo‘lga qo‘yildi. Bu orqali ma’lumot almashinuvi tezkorligiga erishildi.
Tadbirkorlik faoliyatini amalga oshirish uchun yer uchastkalarini auksion savdolariga chiqarish bo‘yicha 2022-yil davomida 90 001 ta 5 741,1 gektar maydondagi yer uchastkalari “Yerelektron” tizimiga kiritildi. Shundan, 53 691 ta 3 061,2 gektar yer uchastkasiga ijobiy xulosa berilib, auksion savdolariga chiqarildi. Yer uchastkalarining 18 943 tasi mulk huquqi asosida, 34 748 tasi ijara huquqi asosida auksionga chiqarildi.
Respublikamiz yer fondida qishloq xo‘jaligi yerlari alohida e’tibor qaratiladi. 2022-yilda Kadastr idoralari tomonidan qishloq xo‘jaligi yerlarini elektron tanlovga chiqarish yuzasidan 1 332,3 ming gektar (276 413 gektar suvli) zaxira yerlar davlat ro‘yxatidan o‘tkazildi.
Qishloq xo‘jaligi yerlarini elektron tanlovida g‘olib bo‘lganlar 423 586 ta (253 060 gektar) ijara shartnomalar davlat ro‘yxatidan o‘tkazildi.
Kadastr sohasida ayrim davlat xizmatlarini ko‘rsatish bo‘yicha tartib-taomillarni yanada takomillashtirish, yer uchastkalarni hisobga olish hamda realizatsiya qilish yuzasidan 3 ta normativ hujjat ishlab chiqildi va amaliyotga joriy etildi.
O‘zbekiston Respublikasi Vazirlar Mahkamasining "“QISHLOQ XO‘JALIGIGA MO‘LJALLANMAGAN YER UCHASTKALARINI XUSUSIYLASHTIRISH TO‘G‘RISIDA”GI O‘ZBEKISTON RESPUBLIKASI QONUNINI AMALGA OSHIRISH CHORA-TADBIRLARI HAQIDA"gi 14.02.2022 yildagi 71-son Qarori
O‘zbekiston Respublikasi Vazirlar Mahkamasining "KO‘CHMAS MULKKA BO‘LGAN HUQUQLARNING HISOBINI YURITISHDA SHAFFOFLIKNI TA’MINLASH, SHUNINGDEK, KADASTR SOHASIDAGI AYRIM MA’MURIY TARTIB-TAOMILLARNI TAKOMILLASHTIRISH CHORA-TADBIRLARI TO‘G‘RISIDA"gi 18.10.2022 yildagi 610-son Qarori
O‘zbekiston Respublikasi Vazirlar Mahkamasining "QISHLOQ XO‘JALIGIGA MO‘LJALLANMAGAN YER UCHASTKALARINI XUSUSIYLASHTIRISH VA ELEKTRON ONLAYN-AUKSION ORQALI IJARAGA BERISH TARTIB-TAOMILLARI SODDALASHTIRILISHI MUNOSABATI BILAN VAZIRLAR MAHKAMASINING “QISHLOQ XO‘JALIGIGA MO‘LJALLANMAGAN YER UCHASTKALARINI XUSUSIYLASHTIRISH TO‘G‘RISIDA”GI O‘ZBEKISTON RESPUBLIKASI QONUNINI AMALGA OSHIRISH CHORA-TADBIRLARI HAQIDA” 2022-YIL 14-FEVRALDAGI 71-SON QARORIGA O‘ZGARTIRISH VA QO‘SHIMCHALAR KIRITISH TO‘G‘RISIDA"gi 30.11.2022 yildagi 685-son Qarori
